السلام عليكم ورحمة الله وبركاته..
لك جزيل التحايا والثنـا والسـلام من خليل ابراهيم الناصر الشبرمي
قطـري الهويـه والقبيلـه سنـام ودار جدي سميرا ولتميـم أنتمـي
ربعي اللي على الدجال شذرة حسام في صحيح البخاري وأحمد ومسلمي .
.
.
وش اللي صار ما ندري .. ولا ندري وش اللي صار
ولا نـدري وش اللـي بالليـال المقبـلات يصيـر
تعلّمنا مـن اسـرار الحيـاة .. ان الحيـاة اسـرار
وتفسيـر الحقيقـه .. بالحقيقـه مالـهـا تفسـيـر
ومن غـدر الزمـن كـلٍ يقـول ان الزمـن غـدار
فكم ممسي على قمـة جبـل واصبـح بقاعـة بيـر
ومن مكر البشـر كـلٍ يقـول ابـن البشـر مكـار
فكم بالناس حامل مسك وكـم بالنـاس نافـخ كيـر
صحيح ان الصحيح اصبح خطـا والعـار ردّ العـار
ولكـن مالنـا حيلـه ولانقـوى عـلـى التغيـيـر
نشوف اللي نشوفه مـن مصايـب واليديـن قصـار
تحت رحمة رحيـم وفـي رجـا الله والـي التدبيـر
نسوق العِيـر بامـر الله ونمشـي لآخـر المشـوار
وعلـم الغيـب عنـد الله وبامـر الله تسيـر العِيـر
نعايـش وقتـنـا ونسـايـره ونـقـول ياسـتـار
علينـا تستـر بستـرك وبـامـرك يالله التيسـيـر
نفكـر بالليـالـي والليـالـي تفـخـت الافـكـار
ولازلنـا نفكـر كيـف ممكـن نتـرك التفكـيـر
وش اللي صار ماندري .. ولاندري وش اللي صـار
ولكـن كـل شـيٍ ممكـن انـه بالحيـاة يصـيـر
خليل إبراهيم الشبرمي
لايخفى عليكم هذا الشاعر ..
المبدع / المتألق / المتميز / والذي ..
أدهش الشعر ذاته ..
شعر عذب المعاني .. جزل .. استاذ في الشيلات ..
دخل مملكة الشعر من أوسع أبوابه ..
نقرأه ... تعجز الذائقه عن الامتلاء به ..
بشعره .. نسعد .. ونطلب المزيد ..
يقول ..
قلت : حق ... وقـال :: لابالله زيـف
قلـت : عنـدي مايـبـرر موقـفـي
قال :: كيف ؟ وقلت انا له :: كيف كيف
بعـد ذا المـده تقـول انــك وفــي
زل صيف وزل صيـف وزل صيـف
مـن ثـلاث سنيـن وينـك مختـفـي
رحت أدور عنك مـن بيـش لطريـف
ودجت نجـد مـن الهفـوف ليـا نفـي
كنت طيف وجيت طيف ورحت طيـف
والامـل لا طـال شمـعـه ينطـفـي
قال احبـك قلـت حبـك حـب حيـف
مااقبلـه لـو كـان حسنـك يوسـفـي
مامعـي للحـرب لاحربـه وسـيـف
مـن غرابـيـل الليـالـي مكتـفـي
وعطر باريسي وساعـة مـن جنيـف
ماتـفـيـد ولا تـغـيـر مـوقـفـي
وله ..
وا وجودي كل ماشفت زوله مـن بعيـد
وجد مَن مِن زود مابه غبن عاف الحياة
ووجد من صلى على امه وابوه بيوم عيد
يوم صلى العيد مـد الجنايـز للصـلاة
ووجد عـودٍ قيّـدوه العساكـر بالحديـد
ذابحٍ له نفس من دون عرضه والبنـات
واصغر القصّر بلغ ما عفا راسه عنيـد
أقشرٍ لاجاه جاه العـرب قـال الصفـاة
ووجد مجدور العرب بالخلا خلي وحيـد
بعنّته مـا حولـه الا الذيابـه عاويـات
ووجد رجْل اعمال عقب المعزه والرصيد
فلّس وحلـت عليـه العطيـه والزكـاة
أتوجّـد وادري ان التـوجّـد مايفـيـد
وجد مَن مانال شفه ولا حصـل نجـاة
وايضاً
واونتاه اللي مـن العـام للحيـن ..وافوح كبدي.. وآآآآه.. وعزتالـي
وابري حالي كل ما قلـت بتزيـن ..عيت تزين وصحت وابري حالـي
البارحة مامسيت والناس ممسيـن ..عيني قزت والقلب يصلاه صالـي
يرجف ورجفه كنه عيار خمسيـن ..مع هيلعٍ عنـد اللقـا مـا يبالـي
وانس بكبدي مثل طعن السكاكيـن ..ولا حدٍ فطن ياخوك للـي جرالـي
تخالفـن ياخـوك كـل الموازيـن ..والحمل كايـد واحتملتـه لحالـي
ان اشهد ان الموت ضيم الموالين ..والغدر امره مـن رفيـقٍ موالـي
والخدش كبه لو رصيـده ملاييـن ..وانص الولد لو ما بجيبـه ريالـي
تمقلـي ياعيـن دامـك تشوفيـن ..وتوكـدي حــرام والا حـلالـي
السيل سال وشال روس وكراعين ..والله يثبـت راسيـات الجبـالـي
وحنا على درب المقادير ماشيـن ..ولا حدٍ درى عن غيب سود الليالي
يا من ترى وتشوف وتروف وتعين ..أبطلبـك يامـن عليـك اتكـالـي
انك علـى درب السلامـة تقديـن ..وتلطف بحالي يا عزيـز الجلالـي
